Силиэстийэлиир уорганнарга Россия силиэстийэлиир кэмитиэтэтин, ИДьМ уонна РФ куттал суох буолуутун федеральнай сулууспатын силиэстийэлиир подразделениетын сотрудниктара уонна үлэһиттэрэ киирсэллэр.
РФ силиэстийэлиир кэмитиэтэтин Саха сиринээҕи силиэстийэтин управлениетын Намнааҕы оройуоннар икки ардыларынааҕы салаатын юстиция майора Айсен Птицын салайар. Тэрилтэҕэ Намы таһынан Кэбээйи улууһа киирсэр. Үлэһиттэр төрдүөлэр, сүрүн хонтуоралара Намҥа баар. Ол курдук, солбуйааччы Юрий Пахомов Кэбээйигэ олорон үлэлиир. Үрдүкү силиэстийэлээччинэн Евгений Дьячковскай, силиэстийэлээччинэн Иннокентий Миронов үлэлииллэр. Бу сылга киирэн баран 16 дьыаланы суукка ыыппыттар.
Кэмитиэт үлэтин уонна туох сыаллаах-соруктаах үлэлииллэрин, чуолаан туох буруйдар оҥоһуллалларын туһунан сиһилии кэпсэтиибитин хаһыаппыт кэлэр нүөмэригэр (чэппиэргэ) ааҕыҥ.
Семен Аргунов