Партизан нэһилиэгэр тохсунньу 2 күнүгэр биир сонун тэрээһин буолбутун туһунан биһиги общественнай корреспондеммыт Полина Скрябина иһитиннэрэр.
Ол курдук, хомус куттаах нэһилиэккэ культура салаатыгар бастыҥнары ааттыыр, чиэстиир дьоро күн ыытыллыбыт. Олохтоохтор сүрүн үлэлэрин-хамнастарын таһынан, төрүт культураны, исскуствоны үйэтитиигэ, сайыннарыыга кыһаналлара кэрэхсэбиллээх.
Культура салаатын бастыҥнара маннык номинациялары ылбыттар:
«Бастыҥ көрөөччү» — Валентина Ильина,
«Бастыҥ суруйааччы» — «Отуу уотун» чилиэнэ, элбэх кинигэ автора Парасковья Новгородова-Чэлгийээнэ,
«Бастыҥ хомусчут» — Зоя Слепцова, импровизатор хомусчут, «Дьүрүл» норуот анасаамбылын чилиэнэ,
«Бастыҥ хоһоон ааҕааччы» — Линда Захарова, хоһоону таптаан ааҕааччылар түмсүүлэрин чилиэнэ,
«Сыл артыыһа» — Розалия Макарова, «Айдар» кулууп чилиэнэ,
«Бастыҥ иистэнньэҥ» — Лидия Иванова, «Ай-тик»истэнньэҥнэр кулууптарын чилиэнэ,
«Бастыҥ тойуксут» — Варвара Шарапова, «Дьүрүл» норуот ансаамбылын эдэр бөлөҕүн чилиэнэ,
«Үҥкүүһүт кыргыттар» — Юлия Рыкунова уонна Лена Петрова, «Күрүлгэн» үҥкүү ансаамбыл чилиэннэрэ,
«Бастыҥ ыраһыт» — Иннокентий Яковлев, нэһилиэк саамай талааннах ыччата.
«Бастыҥ спонсор» — Наталья Колесова. Кини элбэх оҕолоох ыалларга минньигэс торт бэлэх уунар. Колесовтар дьиэ кэргэттэригэр минньигэс бэлэх туттарда.
Кинилэр уус-уран самодеятельноһы тарҕатан, норуот айымньытын, тылбытын-өспүтүн, ырыабытын-тойукпутун, үҥкүүбүтүн туругурдан, саха дьиҥ исскуствотын нэһилиэнньэҕэ көрдөрөн үрдүк сыанабылы ыллахтара.
Лена Ноговицына