Партизан нэһилиэгэр тэрилтэлэр икки ардыларыгар кыһыҥҥы спартакиада үс нэдиэлэ устата буолла. Спартакиада баһылык Алексей Зырянов бирииһигэр буолла.
Барыта 6 киһилээх 7 хамаанда волейбол, төрүт ох саанан ытыы, дартс, миэстэттэн уһуну ыстаныы, баскетбол мээчигин быраҕыы көрүҥнэригэр күрэхтэстэ.
Уопсай түмүккэ 3-с миэстэни Надежда Аммосова дириэктэрдээх оскуола хамаандата ылла. 2-с миэстэ Алексей Зырянов баһылыктаах олохтоох дьаһалтата буолла. 1-кы миэстэ Зафар Асоев салайааччылаах Нам сэлиэнньэтигэр үлэлиир Партизан нэһилиэгин олохтоохторо буоллулар.
Махтал буоллун сэргэх тэрээһиҥҥэ бары киирсибит тэрилтэлэрбит үлэһиттэрэ. Маны иилээн ыыппыт спортсаала дириэктэрэ Аина Новгородова уонна спортинструктор Дьулустан Христофоров махтанабыт.
Полина Скрябина