АК “Железные дороги Якутии” бирииһигэр уолаттарга бүтүн Россиятааҕы көҥүл тустуу аһаҕас турнирга Нам улууһуттан 18 оҕо күрэхтэһэр.
“Саха сирэ киэн туттар тустууга Павел Пинигин чиэһигэр ыытыллар көҥүл тустуу күрэхтэһиитэ буолбута 2-с күнэ. Ол курдук, кыра ыйааһыннарга полуфиналлар саҕаланан эрэллэр”, – диир Нам улууһун аҕа тренерэ Сергей Семенов.
Олимпийскай чемпион, аан дойду 3 төгүллээх кыайыылааҕа, СССР үтүөлээх спорт маастара Павел Пинигин чиэһигэр ыытыллар улахан көбүөргэ 534 спортсмен кэлбитин аҕа тренер Сергей Семенов этэр. Ол курдук, эдэр Саха сириттэн, Бурятия, Тыва курдук дойдулар, Забайскальскай, Красноярскай, Хабаровскай, Иркутскай, Амурскай, Еврейскай автономнай уокурук тустууктара күөн көрсө сылдьаллара биллэр.
Нам улууһуттан Петр Юмшанов аатынан Оҕо спорт оскуолатын 18 иитиллээччитэ 24, 26, 28, 30, 32, 35, 38, 41, 44, 48, 52, 62, 68, 75 киилэ ыйааһыннарга тустубуттара иккис күннэрэ. Бу күннэргэ барыта 17 ыйааһыҥҥа бастыҥ тустуук аата ааттаныаҕа.
Харысхан Попов