Дойду үрдүнэн быйыл 2025 сылга Улуу Кыайыы буолбута 80 сыла бэлиэтэнэр. Сыл устата Нам улууһугар араас хабааннаах тэрээһиннэр ыытыллаллара, кинигэлэр, ахтыылар тахсаллара былааннанар. Былааннаах үлэлэри торумнааһын, кэпсэтиилэр номнуо саҕаланнылар.
Ленскэй нэһилиэк олохтоох дьаһалтатыгар тохсунньу 14 күнүгэр баһылык Петр Сокольниковы кытта сэлиэнньэ түөлбэлэрин салайааччылара уонна музей үлэһитэ Вера Попова, библиотека үлэһитэ Раиса Гоголева кыттыыллаах Улуу Кыайыыга сыһыаннаах кинигэлэр хайдах быһыылаах буолалларын кэпсэппиттэр, сүбэлэспиттэр.
Мунньах сүрүн кэпсэтиитэ буолар: Улуу Кыайыы 80 сылын көрсө “Уоттаах сэрии кыттыылаахтара”, “Биир дьиэ кэргэнтэн сэрии кыттыылаахтара” кинигэлэргэ дьон аатын-суолун чопчулааһын, испииһэктээн билии.
Ленскэй нэһилиэк пресс-сулууспата