Бэҕэһээ, алтынньы 21 күнүгэр, Нам улууһугар РФ култууратын миниистирин солбуйааччы Владимир Геннадьевич Осинцев кэлэн барбыт. Бу туһунан СӨ култууратын миниистирэ Афанасий Ноев иһитиннэрдэ.
Ыалдьыттар М.К. Аммосов аатынан култуура уонна духуобунай сайдыы дыбарыаһын көрбүттэр.
Аппааныга «Култуура» национальнай бырайыак чэрчитинэн тутуллубут «Чороон» норуот айымньытын дьиэтин көрбүт.
Дойду президенэ Владимир Путин киллэрбит «Култуура» нац.бырайыага олоххо киирэн, дьон олоҕун эйгэтэ тупсубутун уонна олохтоохтор төрүт култуураны илдьэ сылдьаллара туһалааҕын бэлиэтээн туран, улуус салалтатыгар, култуура үлэһиттэригэр махтаммыт.
Бастакы Хомустаахха тимир уустарын үлэлэрин көрбүттэр. Бу кэмҥэ уустар 8 киилэ курдук болгуо тимири уһаарбыттар.
Владимир Осинцев төрүт үгэспитин илдьэ сылдьарбытыттан сөхпүт, маннык норуот сүтэн-симэлийэн хаалыа суоҕа, норуот маастардарын өйөөҥ диэбит.
