Романов Юра мээчиги баһылаабыттартан үөрэх ылан дойдутугар кэллэ

Намнааҕы “Олимпик” спорт оскуола иитиллээччитэ Романов Юра кыһыҥҥы сынньалаҥар Сочи куоракка футболга “Winter Camp 2025” Италиятааҕы футбол кулуубун “Торино” Академиятын үөрэтэр-эрчийэр сборугар дьарыктанна.

Нам улууһун оҕото Романов Юра уһулуччулаах тренердэр салалталарынан эрчиллэн элбэххэ үөрэнэн Сахатын сиригэр бүгүн кэллэ. Ол курдук, Сочи куоракка футбол ньымаларыгар үөрэнэ кэлбит оҕолор бөлөхтөрүн Италияҕа “Торино” Академия дириэктэрэ Джанлука Кабелла; Италияҕа ФК “Полидоро” дириэктэрэ, ону тэҥэ, ФК “Торино” тренерэ (UEFA B) Габриэле Манганоцци; араас лигалар кулуубтарыгар үлэлээн улахан опыттаах, UEFA PRO лицензиялаах Давиде Фортунато Витторио үөрэппиттэр.

Нам улууһугар мини-футболга Вадим Мохов иитиллээччитэ Романов Юра мээчиги кытта доҕордоһууларын ситимэ өссө чиҥииригэр баҕарабыт. Санаа ахсын омук таһымнаах тренердэриттэн үөрэх, сүбэ-ама ылбаккын. Бу Саҥа дьылга баҕа санаа туолбута, уол өйүгэр-санаатыгар умнуллубат үтүө өйдөбүл буолан хаалыаҕа.

Харысхан Попов

Читайте дальше