Байыаннай дьайыыга сылдьар биир дойдулаахтарбытыгар көмөлөһөр ис хоһоонноох, киэҥ ыҥырыылаах бүтүн улуустааҕы «Биир сомоҕо» акцияттан Партизан нэһилиэгэ туора турбата.
Күн устата ыытыллыбыт тэрээһиҥҥэ көхтөөхтүк кытынныбыт.
Сылгы сиэлиттэн харысхал оҥоһуутугар
Александра Новгордова-Өлөксөөс
маастар-кылаас көрдөрдө. Барыта 45 устуука харысхал оҥоһулунна.
Эрдэ ыыппыт харысхалларбыт туһунан байыастар: «Алдьархай көмүскүүр, билэбин ыытыҥ. Эһиэхэ махтал!
Миэнигэр кыра оскуолак түһэн хотуппатах этэ».
Бу курдук ааспыттааҥы харысхалларбыт тиийбиттэрин туппут байыастар махтаналлар. Нэһилиэкпититтэн 11 байыас дойду көмүскэлигэр сылдьар.
Маны тэҥэ акцияҕа Иван Гаврильев салайааччылаах бааһынай хаһаайыстыба убаһанан көмө оҥордо.
Нэһилиэкпит харчы туттарда. Акция чэрчитинэн тэриллибит өстөөхтөн саһар, хаххаланар сиэккэ өрүүтүгэр бары күргүөмүнэн кытынныбыт.
Оскуолабыт оҕолоро бэйэлэрин оҥоһуктарынан дьаарбаҥкаҕа кытыннылар.
Киирбит үптэрин тута уурунаҕа уган, сэмэй кылааттарын киллэрдилэр.
Полина Скрябина