«Точка роста» диэн «Современная школа» федеральнай бырайыак иһинэн оҥоһуллубут естественнэй, гуманитарнай үөрэхтэргэ туһаайыылаах, оскуола үөрэхтээһинин тупсарарга аналлаах киин буолар.
Биһиги оскуолабытыгар маннык киин быйыл саҥа аһылынна. Оскуолабыт дириэктэрэ М.Г. Пермякова «Точка роста» суолтатын, химия, биология уонна физика предметтэригэр медицинскэй, лабораторнай оборудование кэлбитин, учууталларынан Е.И. Касьянова, А.Н. Гаврильева анаммыттарын, онон үөрэтии да, үөрэнии да интэриэһинэй буолуохтааҕын эттэ, ол кэннэ кыһыл лиэнтэни М.Г. Пермякова, дириэктэри үөрэх чааһыгар солбуйааччы Ю.С. Гаврильев уонна 11 кылаас үөрэнээччитэ Эльдар Охлопков ытыс тыаһын доҕуһуолугар кырыйан, киин арыллыбытын бэлиэтээтилэр.
Оскуола аайы бу предметтэргэ дьоҕурдаах оҕолор элбэхтэр, кинилэр кииҥҥэ кэлэн дьоҕурдарын сайыннарыахтара, бырайыактыыр-чинчийэр үлэҕэ сыстыахтара, саҥа саҕахтары арыйыахтара диэн эрэнэбит.
Татьяна Касьянова