Нам улууһун Салбаҥ нэһилиэгин Дьахталларын түмсүүтүн көҕүлээһининэн, салайааччы Анастасия Протопопова, олохтоохтор “Сылаас күһүн” өрспүүбүлүкэтээҕи акцияҕа кытыннылар.
Ол курдук, нэһилиэк олохтоохторо бары биир санаанан салайтаран сылаас таҥас хомуйан, байыаннай дьайыыга кытта сылдьар биир дойдулаахтарбытыгар ыытаары өрөспүүбүлүкэтээҕи “Якутия с тобой” штабка киллэрэн туттардылар.
Байыаннай дьайыы кыттыылаахтарын өйүүр «Сылаас күһүн» патриотическай акцияны Саха сирин волонтердара балаҕан ыйыттан саҕалаабыттара. Волонтердар сылаас таҥастаах баһыылкалары хомуйаннар, байыастарга ыытыахтара. Байыастар наскыны, бэрчээккини, балаклаваны, термобельену уонна атын даҕаны сылаас таҥаһы кытары дьиэлэрин сылааһын билиэхтэрэ.
Байыастарга аналлаах гуманитарнай көмөнү тутар пуун аадырыһа: Дьокуускай к., Бестужев-Марлинскай уулуссатын 5-с №-дээх дьиэтэ (ДОСААФ). Пуун үлэ күннэригэр сарсыарда 9 чаастан киэһэ 7 чааска диэри үлэлиир.
#заботаобучастникахСВО #поддержимСВОих
Майя Федорова
Хаартыскалар, видео: Анастасия Ощепкова тиксэриитэ