М.К. Аммосов аатынан Намнааҕы Культура дыбарыаһын директора Николай Жирков Саха өрөспүүбүлүкэтин Культуратын уонна духуобунай сайдыытын миниистиринэн анаммыт Афанасий Ноевы эҕэрдэлиир.
— Афанасий Иванович Ноевы СӨ Культуратын уонна духуобунай сайдыытын миниистирэ буолбутунан аҕыйаҕа суох ахсааннаах Нам улууһун культуратын уонна искусствотын үлэһиттэрин, дьонун-сэргэтин ааттарыттан итиитик-истиҥник эҕэрдэлиибит!
Афанасий Иванович Культура миниистирин солбуйааччытынан ананыаҕыттан олус эрчимнээхтик үлэтин саҕалаан, биһигини, хас биирдии культура кииннэрин, кытта ыкса сибээстэһэн, үлэлэһэн, сатабыллаах салайааччы быһыытынан ылынныбыт. Онон өрөспүүбүлүкэбит Ил Дархана Айсен Сергеевич Николаев сөптөөх быһаарыныыны ылыммыт диэн сыаналыыбын. Саҥа миниистирбит Афанасий Ноев олус элбэҕи үлэлиэҕэ, саҥа саҕахтары арыйыаҕа, сайдыыны түстүөҕэ, былааннабыт үлэтэ барыта олоххо киириэ диэн бигэ эрэллээхпин. Итиэннэ Афанасий Иванович былааннара олоххо киирэригэр биһиги, культура үлэһиттэрэ, миниистирбит тула түмсэммит, кинини өйөөммүт , күүс-көмө буолуоххайын диэн ыҥырабын.
Майя Федорова