Бөтүҥ нэһилиэгин олохтооҕо, РФ үтүөлээх фермерэ, СӨ тыатын хаһаайыстыбатын туйгуна Надежда Попова С.М. Аржаков аатынан СӨ Государственнай бириэмийэтин тутта.
Сэтинньи 8 күнүгэр Саха театрыгар государственнай, политическай деятель Степан Максимович Аржаков төрөөбүтэ 125 сылыгар бүтүн общественность бэлиэ тэрээһинэ ыытылынна. Киэҥ ыҥырыылаах улахан, дириҥ суолталаах, биэчэргэ үлэ бастыҥнарыгар государственнай наҕараадалары туттарар түгэн ордук долгутуулаах уонна үөрүүлээх буолла.
Бу наҕараада тыа хаһаайыстыбатын салаатыгар үрдүк производственнай көрдөрүүлэрин, уһулуччу үтүөлэрин, өрөспүүбүлүкэ социальнай-экономическай сайдыытыгар кылааттарын, өр сыллаах үтүө түмүктээх үлэлэлэрин иһин туттарыллар.
Биһиги билэбит, Надежда Ивановна
салайар «Дайыына» бааһынай хаһаайыстыбата улууска саамай бөдөҥнөрө буолар. Бастаан тэриллэригэр хаһаайыстыба оҕуруот аһынан дьарыктанара. Онтон 2011 сылтан олохтоохтук хороҕор муостааҕы иитиигэ ылсыбыта. Бүтүн дьиэ кэргэнинэн таһаарыылаах үлэни өрө тутан хотон, сайылык туттан хаһаайыстыбаларын кэҥэтэн олох уйгутун оҥорсо олороллор.
Таhаарыылаах үлэ хаһан баҕарар үрдүктүк сыаналаныах тустаах. Онуоха Надежда Попова олоҕун, үлэтин холобурунан тыа хаһаайыстыбата үгүс киһи талаһар салаатынан буоллун!
«Эҥсиэли» хаһыат
Хаартыскаҕа: Надежда Попова СӨ Ил Дарханын уонна СӨ Правительствотын администрациятын салайааччыта Георгий Михайловтыын