Бүгүн Хатыҥ Арыы нэһилиэгэр Аппааныга, Граф Биэрэгэр уонна Озернай кыбаарталга Нам улууһун административнай комиссия председателэ Илья Касьянов, Намнааҕы ветеринарнай инспектор Павел Николаев, Хатыҥ Арыы ветлечебница сэбиэдиссэйэ Саргылана Петухова, полиция участковайа Алексей Скрябин, олохтоох дьаһалтаттан МАУ «Спектр» директора Сергей Парников састааптаах комиссия дьиэҕэ ыты тутууну бэрэбиэркэлээн рейдэ ыытта.
Рейдэ түмүгүнэн, баайыллыбакка сылдьар ыттаах икки ыалга сэрэтии сурук туттарылынна. Рейдэлэр салгыы барыахтара, баайыллыбакка сылдьар бэйдиэ ыттардаах хаһаайыттарга, ол кэнниттэн ыстараап оҥоһулларын иһитиннэрэллэр.
Нэһилиэкпит олохтоохторун ыты иитии, көрүү-харайыы бары ирдэбилин тутуһалларыгар ыҥырабыт. Баайыллыбакка, аччык сылдьар ыт оҕолорго, улахан дьоҥҥо, сүөһүгэ, сылгыга кутталы үөскэтэрин умнубат тустаахпыт.
Ыттаргытын баайарга, сөптөөх дьаһалы ылынаргытыгар ыҥырабыт.
Надежда Сивцева