Сиэннэр эһэлэринэн киэн тутталлар

Нам улууһугар Кыайыы сылын арыйар үөрүүлээх тэрээһиҥҥэ «Молодость XXI — Победителям» бүтүн Россиятааҕы көрүү-куонкурус кыайыылаахтарын ыҥыран улуус баһылыга Юрий Слепцов эҕэрдэлээбитэ.

Манна Хамаҕатта нэһилиэгиттэн Сталинград, Курскай Тоҕой кырыктаах кыргыһыытыгар кыттыбыт Василий Степанович Винокуров сиэннэрэ, хос сиэнэ «Мы потомки ветерана Великой Отечественной войны Винокурова В.С.» видеоролик оҥорон 2-с миэстэ буолбуттарынан махтал сурук туппуттара. Наҕараадаларын ийэлэрэ, эбэлэрэ Любовь Иванова сылдьан ылбыта.

Видеороликка хос сиэн кыыс Катя Ильинова Дьокуускай куорат 21 нүөмэрдээх оскуолатын 11″в» кылааһын үөрэнээччитэ уонна сиэн кыыс Римма Иванова «Чолбон» ПБ (плав. бассейн) лаборана эһэлэрин сэрии ветерана Василий Степанович Винокуров бойобуой суолун киэн тутта кэпсээбиттэр. Сиэн Мария Ильинова, «Родничок» уһуйаан иитээччитэ видеоролигы таҥмыт, устубут.

Мария Винокурова

Читайте дальше