Олунньу 2 күнэ — Сталинград куорат босхоломмут күнэ. Сталинград аннынааҕы кыргыһыы Аҕа дойду Улуу сэриитин историятыгар биир ойуччу миэстэни ылар.
Хамаҕатта нэһилиэгиттэн Сталинградтааҕы кыргыһыыга Винокуров Василий Степанович, Дунаев Григорий Иванович, Захаров Митрофан Дмитриевич, Румянцев Егор Романович, Соловьев Петр Данилович кыттыыны ылбыттара. Кинилэр үгүс сахалар ортолоругар өстөөх сэриитин куорат анныгар иилии ылыыга уонна суох оҥорууга кыттыыларын иһин Иосиф Сталин махталынан, “Сталинград оборонатын иһин” мэтээлинэн наҕараадаламмыттара.
Аҕа көлүөнэ Сталинград аннынааҕы кыргыһыыга дьоруойдуу быһыытын үйэтитэн дойдуга олунньу 2-гэр Арассыыйа Бойобуой албан аатын күнэ бэлиэтэнэр. Ким да умнуллубат, туох да умнуллубат!
Дунаев Григорий Иванович
Винокуров Василий Степанович
Захаров Митрофан Дмитриевич
Румянцев Егор Романович
Соловьев Петр Данилович
Мария Винокурова