Сутуллуу: 32 киһи – коронавирус

Роспотребнадзор Намнааҕы салаата иһитиннэрэринэн, алтынньы 30 — сэтинньи 3 күннэригэр Нам улууһун үрдүнэн 32 (ааспыт нэдиэлэҕэ 30) коронавируһунан ыалдьыы туһунан суһал иһитиннэрии киирбит. Онтон 1-рэ – оҕо. Биир 65 үөһээ саастаах киһи балыыһаҕа сытан эмтэнэр.

Ыалдьыбыт дьону саастарынан араардахха, оҕолор: 0-1 – 1; улахан дьон: 18-29 – 2, 30-49 – 13, 50-64 – 9, 65 үөһээ – 7.

Нэһилиэктэринэн ылан көрдөххө:

Нам – 7,

Аппааны – 9,

Хатырык – 6,

1 Хомустаах – 3,

Партизан – 2,

Искра – 1,

Никольский – 1,

Хамаҕатта – 1,

Таастаах – 1,

Модут – 1.

Дьиэ кэргэн иһигэр – 5, үлэлэригэр – 4, аймахтарыттан – 2, медицинскэй көмөнү оҥоро сылдьан 3 киһи коронавируска сыстыбыт. 18 киһи хантан сыстыбыта биллибэтэх.

Грипп уонна ОРВИ, COVID-19 профилактическай миэрэлэрин санатабыт:

— Элбэк киһи мустар, общественнай сирдэргэ сылдьыыны аччатыҥ.

— Сөтөллөргүтүгэр уонна ытырдаргытыгар биирдэ туттуллар салфеткалары туһаныҥ.

-Дьон элбэхтик мустар сирдэригэр: атыы-эргиэн кииннэригэр, бааннарга, автобустарга, таксиларга о.д.а. медицинскэ\й мааскалаах сылдьыҥ.

— Кирдээх илиигитинэн айаххытын, муннугутун эбэтэр хараххытын таарыйымаҥ.

— Илиигитин элбэхтик мыылалаан суунуҥ, дезинфекциялыыр средстволары туһаныҥ.

— Таһырдьа сылдьан баран муннугутун сайҕааҥ.

— Телефоннаргытын спиртээх салфетканан сууйуҥ-сотуҥ.

— Бэйэ-бэйэҕититтэн 1,5-2 м социальнай дистанцияны тутуҥ.

— Аһары сылайыыттан, стрессовай түгэннэртэн бэйэҕитиҥ харыстааҥ.

— Тымныйыы сибикилэрин түгэнэ баар буоллаҕына бэйэҕит эмтэммэккэ, тутатына бырааска көрдөрүҥ.

Читайте дальше