Хатыҥ Арыы нэһилиэгин «Сыдьаайа» иистэнэр сыаҕа үһүс сылын анал байыаннай дьайыы байыастарыгар анаан таҥас тигэллэр. Сааскы маҥҥайгы бырааһынньыгынан нэһилиэк баһылыга Иван Ноговицын, күннэрин аахсыбакка, тиһигин быспакка үлэлии олорор иистэнэр сыах далбар хотуттарын көрсөн махтал суруктары, сэмэй бэлэхтэри туттарда.
Сыах салайааччыта Дария Мальцева иһитиннэрбитинэн, саҥа сылга киирэн баран сүүсчэкэ араас кэмпилиэк таҥас тикпиттэр. Билигин түөрт буолан Дария Мальцева, Мария Кривошапкина, Галина Суханова, Валентина Сивцева буолан иистэнэллэр. Дьиэлэриттэн хомуйталаан үлэлэригэр Кыһыл- Дэриэбинэ «Сайдыы» култуура дьиэтигэр Гаврил Мальцев тиэйэн аҕалар. Ону тэҥэ тикпит таҥастарын куоракка киллэрэн туттарар. Биир байыас таҥнарыгар 14 араас таҥас көрүҥэ биир рюкзакка киирэр. «Урсун» типографиятыгар Хатыҥ Арыы нэһилиэк таҥаска тигиллэр лейбл сакаастаан оҥотторон тигэллэр. Айанныылларыгар, таҥас ыыталларыгар уматык тиийбэтэ, кыра бытархай фурнитура о.э. сап, инньэ, замоктар, липучка атыылаһалларыгар күчүмэҕэйдэри көрсөллөрүн туһунан эттэ.
Нэһилиэкпит Далбар хотуттарыгар чэгиэн доруобуйаны, дьиэ кэргэттэригэр этэҥҥэ буолууну баҕарабыт. Үтүө бачыым салҕанан, кыайыыны чугаһатарга күүс буоллун.
Надежда Сивцева