“Сылаас иэйиим иминэн” быыстапка-күрэххэ сиэдэрэй түһүлгэ тэрилиннэ

П.П. Ядрихинскай-Бэдьээлэ аатынан Намнааҕы Олоҥхо дьиэтигэр байыаннай дьайыы кыттыылаахтарын дьиэ кэргэттэрэ “Сылаас иэйиим иминэн” улуустааҕы быыстапка-күрэххэ кыттыыны ыллылар.

“Ийэ күнэ декада чэрчитинэн ыытыллыбыт быыстапка-күрэхпитин дьиэ кэргэттэр, ийэлэр “Дьиэ кэргэн” диэн ырыанан аһыллыбыта”, – диир Олоҥхо дьиэтин үлэһитэ Туйаара Мегина.

Дьүүллүүр сүбэҕэ Намтан Ксения Слепцова, Вера Колпашникова, Ньургустаана Авксентьева, Хамаҕаттаттан Мария Находкина, Зоя Осипова уонна Партизантан Александра Новгородова бэйэлэрин үлэлэрин, уус-уран бастыҥ оҥоһуктарын кэпсээн билиһиннэрбиттэр.

“Наммыт улууһугар маннык тэрээһиннэр, күрэхтэр, санааны көтөҕөр көрсүһүүлэр, сүбэлэһии күннэрэ куруутун буола турдуннар. Ханна баҕарар саха аата ааттана, талба талаана сайда турдуҥ!” – диир Туйаара Афанасьевна.

Харысхан Попов

Читайте дальше