Педсовекка тардыллан, кырдьаҕас учууталынса хараҥаҕа харбыалаһан дьиэлээн испит. Эмискэ үлүгэр биир эрэстиин илиититтэн эһэ тардан ылбыт да эппит:
- Чаһыгын аҕал да сабаас!
- Суох, чаһыбын туох иһин биэрбэппин. Ол оннугар кылаас салайааччытын эбээһинэһин ыл, – диэн кэлиилии кэбэ турбут.
***
Профессор устудьуонтан ыйытар:
- Эксээмэн диэн тугун билэҕин дуо?
- Билэн бөҕө. Эксээмэн – икки өйдөөх киһи бэсиэдэлэһиитэ.
- Арай, кинилэртэн биирдэстэрэ дааргы билиилээх буоллун, оччоҕуна? – Профессор устудьуон зачеткатын көрө-көрө ыйытар.
- Оччоҕуна иккиһэ стипендията суох хаалар, – диэн устудьуон эппиэттээбит .
***
Саад харабыла уоруйах уолу тутан ылбыт.
- Дьэ, үөрэтэ түһэн биэриэм, хайдах уорары билиэҕиҥ! – диэбит.
- Хата, кырдьык, эһээ, үөрэт эрэ. Мин хайдах да сатаабаппын, бу үһүс түбэһиим буолла, – диэччи буолбут уол.
***
Ийэ кыыһынаан бырааска кэлбиттэр.
- Дуоктар, эт эрэ, мин оҕобун туох ыарыы буулаабытын. Кини тоҕо куруук хараҕа ыйааста сылдьарый? Айаҕа тоҕо кулгааҕар тиийэ ырбаҕарый?
Быраас кыыһы көрөн баран ыйыппыт:
- Эн биирдэ эмэ кыыһыҥ баттаҕын туттарыытын холкутатан көрбүтүҥ дуо?
***
Институкка үөрэнэ киирбит уолугар аҕата этэр:
- «Биэскэ» үөрэннэххинэ, хара «Волганы» атыылаһан биэриэм. «Түөркэ» үөрэннэххинэ, үрүҥ «Волганы», оттон «үскэ» үөрэннэххинэ, от күөҕэ өҥнөөҕү ылан биэриэм, дьэ, онон акаары курдук айанныаҥ!
***
Дьахтар кэргэнин үлэлиир кабинетыгар киирэн сылдьан, хоско элбэх баҕайы кураанах бытыылкалары көрөн ыйыппыт:
- Балар хантан кэллилэр?
- Бэйэм да сөҕөбүн. Мин хаһан да кураанах бытыылканы атыылаһааччым суох.
***
- Эн тоҕо биир маҕаһыыҥҥа үс түүн субуруччу уора киирдиҥ? – диэн тутуллубут киһиттэн следователь ыйытар.
- Барыта кэргэммиттэн. Кини буруйдаах. Былааччыйа бэлэх атыыласпытым. Ону өссө икки төгүл уларыттарда.
***
- Эбээ, ыалларбыт олус да дьадаҥылар! Кыра Вовиктара солкуобайдаах манньыаты ыйыстыбытыгар, харыһыйан ыһыы-хаһыы бөҕөнү түһэрдилэр дии.
***
Уол аҕатыттан ыйытар:
- Президент диэн кимий?
- Барыны бары дьаһайар киһи. Холобур, биһиги дьиэ кэргэн президенэ мин буолабын. Ийэбит – үп миниистирэ, эбэбит – КГБ.
- Оттон мин кимминий?
- Эн – норуоккун.
Г. ЭВЕРСТОВ тылбаастара
«Эҥсиэли», 1993 с., от ыйын 1 к.