Хамаҕатта олохтоохторо, хоһоону таптаан ааҕааччылар “Түһүлгэ” норуот айымньытын киинигэр “Ийэ тыл, сурук-бичик дьоро күнэ!” тэрээһиҥҥэ муһуннулар.
“Тускул” уһуйаан иитиллээччилэрэ, Хамаҕатта орто оскуолатын алын кылааһын уолаттара саха тылын харыстыыр, сахалыы саҥарары туоһулууллар. Көрөөччү биирдиилээн хоһоон айарга холонооччулар, сөбүлээбит хоһоонноругар ис дууһаларын уурааччылар дьоро киэһэлэригэр тиийэн кэлбитин тута быһаарар эбит. Манна бааллар – сыанаҕа аан маҥнай ааҕааччылар, айыллыбыт хоһооннору сүрэхтээччилэр уонна биллэн турар, бастыҥ иэйиилээхтик хоһоон ааҕааччыллар.
Бүгүн Хамаҕаттаҕа хоһоон да ааҕылынна, ырыа да ылланна, оһуохай да этилиннэ.
Харысхан Попов