Тулалыыр эйгэ ыраас буоларын туһугар күргүөмүнэн турунуу

Нам улууһугар Улуу Кыайыы 80 сылын көрсө алтынньы 7 күнүттэн 17 күнүгэр диэри күһүҥҥү санитарнай ырааһырдыы декадата биллэриллибитэ.

Нэһилиэкпит, тэрилтэлэр, түөлбэлэр, тиэргэммит, тэлгэһэбит тас көстүүтэ үтүө буоларыгар, сылдьар ыырбыт, сынньанар сирдэрбит, бэлиэ миэстэлэр ырааһырарыгар субуотунньукка тахсыы көхтөөхтүк бара турар.

Бүгүн культура эйгэтин үлэһиттэрин идэлээх сойууһун көҕүлээһининэн М.К. Аммосов аатынан культура уонна духуобунай сайдыы дыбарыаһыгар баар тэрилтэлэр: культура уонна духуобунай сайдыы управлениетын, А.Ф. Шестаков аатынан улуустааҕы норуот айымньытын дьиэтин, П.И, Сивцев аатынан Намнааҕы история уонна этнография музейын үлэһиттэрэ күргүөмүнэн тахсан Максим Кирович Аммосов болуоссатын, Набережнайы уонна дыбарыас тулатын ыраастаатылар.

Тулалыыр эйгэбит ыраас, сырдык буоларыгар бары кыһаллыахха, турунуохха.

Семен Аргунов

Читайте дальше