«Тускул» уһуйаан оҕолоро буойун-суруйааччы остуоруйатын туруордулар

Хамаҕаттаҕа “Тускул” уһуйааҥҥа Кыайыы 80 сылын көрсө буойун-суруйааччы Тимофей Сметанин “Күөрэгэй” остуоруйата көрдөрүлүннэ.

Ол курдук, уһуйаан уонна олохтоох библиотека “Ааҕар дьиэ кэргэн” бырайыак иһинэн үлэлиир оҕо, төрөппүт, иитээччи кыттыылаах “Чээкэ” мини-театра тэттик остуоруйаны туруорда. Бэлиэтээн эттэххэ, “Күөрэгэй” остуоруйа быйыл Улуу Кыайыы буолбут сылыгар 1945 сыллаахха суруллубута.

Сүрүн оруоллары толордулар:

Күөрэгэй – Ньургуяна Сагынняхова (төрөппүт, иитээччи);

Оҕонньор – Иван Васильев (уһуйаан үлэһитэ);

Маачаха – Вера Петрова (төрөппүт);

Олоо – Миша Дмитриев (уһуйаан иитиллээччитэ);

Туораах – Күннэй Дьяконова (уһуйаан иитиллээччитэ).

Остуоруйаны бэлэмнээтилэр: уһуйаан иитээччилэрэ – Раиса Никитина, Вероника Находкина, Марфа Харитонова, Дина Пестрякова уонна олохтоох библиотека сэбиэдиссэйэ Марина Корякина.

Оҕо, төрөппүт, иитээччи кыттыылаах “Чээкэ” мини-театр туруоруу остуоруйаҕа көрөөччүлэрбит ытыс таһыннылар, үөрүүлэрин биллэрдилэр.

Кыттыбыт оҕолорбутугар, төрөппүттэргэ, уһуйаан үлэһиттэригэр уонна кырачаан күндү көрөөччүлэрбитигэр айар бөлөх аатыттан махталбытын тиэрдэбит!

Дария Назарова, педагог-психолог:

“Чээкэ” театр бастакы долгутуулаах туруоруугутунан истиҥ эҕэрдэбин тиэрдэбин. Салайааччыларга – Раиса Николаевнаҕа, Марина Саввичнаҕа, муз. салайааччыга Вероника Семеновнаҕа өссө төгүл улахан эҕэрдэ. Эрэммитим уонна инникитин да өссө оҕо туһугар үлэлиэххит-хамсыаххыт, айыаххыт-тутуоххут диэн эрэнэбин.

Маргарита Охлопкова:

“Тускул” уһуйаан иитиллээччилэрэ, үлэһиттэрэ, төрөппүттэрэ кыттыылаах Тимофей Сметанин суруйуутунан “Күөрэгэй” остуоруйаны көрдүбүт. Оонньооччулар оруолларын сөпкө арыйдылар. Хаар үҥкүүтүгэр кыргыттарбыт нарыннара, намчылара. Кутуйахтар оруолларын уолаттар, кыргыттар оонньоотулар. Оруоллар таҥастара-саптара, декорациялара сөп түбэһэр.

Бастакылара буолан долгуйуу баара биллэр. Тылларын, хамсаныыларын чочуйдахтарына өссө итэҕэтиилээхтик оонньуохтара.

Марина Корякина, олохтоох библиотека сэбиэдиссэйэ

Читайте дальше