Нам улууһун баһылыгын солбуйааччы Филипп Николаев салайааччылаах бөлөх Түбэҕэ үлэтин салгыыр.
Нэһилиэккэ оскуола-саад сыбаайата түспүтүгэр СӨ Ил Түмэнин председателигэр Алексей Еремеевкэ, улуус баһылыга Юрий Слепцовка уонна бары үлэлэспиттэргэ оскуола салалтата махтанар. Оскуола-саад бириэмэтигэр 2026 сылга олоххо киирэрэ буоллар диэн баҕа санааларын этэллэр. Ону тэҥэ, сайыҥҥы кэмҥэ оҕо сынньалаҥын тэрийии — лааҕыр үлэлэтии.
Нам улууһун нэһилиэктэрэ буоларын курдук, салалтаҕа, отчуоттуур бөлөхтөргө саҥа дьиэлэри туттарарга этиилэрин көтөҕөөччүлэр. Түбэлэр да саҥа тутуу ыытылларын тумна ааспакка кулууп тутуутун туруорустулар.
Доруобуйа харыстабылын салаатыгар, олохтоох дьон эмиэ тиис оҥоттороругар эрэйи көрсөрүн, матырыйаал мөлтөҕүн аһаҕастык эттилэр. Бу тула нэһилиэнньэттэн араас кэпсэтии тахсар. Холобура, тиис оҥотторууга «Госуслуги» портал нөҥүө уочаракка киһи хайдах да гыммытын үрдүнэн, сатаан тиксибэккэ көрдөрөн туран тута, соһуччу матарын үгүстэр бэлиэтииллэр. Сөптөөх сааһыланыы, бэрээдэктэнии үлэтэ ыытыллар бириэмэтэ кэлбит курдук көрөбүт диэн санааларын этэллэр.
Сыбаалкаҕа кэмиттэн-кэмигэр сөптөөх үлэлэр ыытыллар түгэннэригэр, бастатан туран, ойуур бөхтөн-сыыстан ыраастанарыгар олохтоохтор этэллэр. Кутталлааҕа, тыатааҕы да нэһилиэккэ чугаһыан сөбүттэн олохтоохтор сэрэхэчийэрин биллэрдилэр.
Бүгүҥҥү күҥҥэ сыбаалка үлэтигэр хайа да тэрилтэ ылсыан баҕарбат. Бу улуус эрэ үрдүнэн буолбакка, бүтүн өрөспүүбүлүкэҕэ сытыытык турар аһаҕас уонна ыарыылаах соҕус ыйытыы буоларынан биллэр.
Дьон нэһилиэк эргин чугастыы тыатааҕыны көрөннөр, адьырҕа кыылы уодьуганныырга улуустааҕы айылҕа харыстабылын үлэһиттэригэр махтаналлар.
Түбэ тэрилтэлэригэр «Эрэл» ТХПК бородууксуйата тиэрдиллэригэр Ньургун Гуляев дьоҥҥо өйдөнөр гына быһаччы техника өттүнэн кыаллыбатын бигэргэттэ. Олохтоохтор бэйэлэрин кыахтарынан атыылаһан хааччыныахтара.
Отчуокка кэлбит 45 истээччи бары биһирииллэрин биллэрдилэр.
Отчуоттуур 3-с бөлөх сарсын Никольскайга, Партизаҥҥа айанныаҕа.
Харысхан Попов