Намнааҕы общественник дьиэтигэр улуус дуобатчыттара ый ахсын коммерческай дуобат турнирыгар көрсөллөр.
“Ый ахсын дуобаты сөбүлээн оонньооччулар коммерческай турнирдары оҥоробут. Бу нэдиэлэҕэ норуоттар икки ардыларыгар оонньонор сүүс харахтаахха улуустааҕы күрэхтэһии тэрийдибит”, – диир дуобатчыт Надежда Протопопова.
Бэлиэтээн эттэххэ, таһымнаах оонньооччулары кытта тэҥҥэ улуустааҕы “Олимпик” спорт оскуола иитиллээччилэрэ кыттыыны ылаллар. Ол курдук, 13 бастыҥ оонньооччуттан аҕам саастаах Егор Леонтьев иннин хайаларыгар да биэрбэтэ. Кини кэнниттэн 2-с миэстэ Григорий Кычкин буолла. Үһүс бочуоттаах миэстэҕэ оонньуур сатабылын тупсарар улуустааҕы гимназия 5-с кылааһын үөрэнээччитэ Олесов Саян тахсар.
Харысхан Попов