Нам улууһугар халаан уутуттан эмсэҕэлээбит нэһилиэктэргэ өрө тардыныы үлэлэр салҕаналлар. Ол курдук, халаан кэнниттэн улуус соҕуруу нэһилиэктэрэ олорор түөлбэлэрин чөлүгэр түһэрээт, салгыы хоту нэһилиэктэргэ гуманитарнай көмө тэрийэллэр, субуотунньуктуу айанныыллар.
Нам сэлиэнньэтигэр уунан толорбут тэлгэһэлэргэ Ленскэй нэһилиэк олохтоох дьаһалта үлэһиттэрэ бүгүн дезинфекция үлэтин ыыттылар. Ону тэҥэ, бүгүн баһылык Петр Сокольников салалталаах олохтоох дьаһалта уонна МАУ АРТ үлэһиттэрэ сэлиэнньэ соҕуруу, хоту өттүгэр олохсуйан хаалбыт уулары ханаабаларынан сүүртүлэр.
“Сааскы халаан кэнниттэн, Наммыт сэлиэнньэтигэр сөргүтүү үлэлэр ыытылла тураллар”, – диир Петр Григорьевич.
Харысхан Попов