Россияҕа Дьиэ кэргэн, Саха сиригэр Оҕо саас, Нам улууһугар Оҕо спордун сылларынан үгүс тэрээһиннэр буолаллар. Намнааҕы оҕо модельнай библиотекатын көҕүлээһининэн, «Уоланнар ааҕыылара» куонкурус улууска 14-с, өрөспүүбүлүкэҕэ 2-с төгүлүн ыытылынна.
Быйылгы күрэх биир дойдулаахпыт, поэт, тылбаасчыт, ССРС суруйааччыларын сойууһун чилиэнэ И.Д. Винокуров — Чаҕылҕан төрөөбүтэ 110 сылыгар ананна.
Ааҕыы бастакы түһүмэҕэр куйаар ситиминэн Мирнэй, Ленскэй, Алдан куораттан, Анаабыр, Ньурба, Нам улуустарыттан 119 оҕо кыттыыны ылбыттара. Күрэҕи Нам улууһун аҕа түмсүүтүн салайааччыта, Никольскай нэһилиэгин баһылыга Алексей Кривогорницын, Россия суруналыыстарын Сойууһун чилиэнэ, «Эҥсиэли» хаһыат редакциятын 1-кы категориялаах редактора Семен Аргунов, А.Ф. Шестаков аатынан НАДь айар жанр специалиһа Анна Сивцева сыаналаатылар.
I бөлөх – оскуола иннинээҕи саастаах оҕолорго (5-7 сс.):
1 м. – «Сардаана» оҕо уһуйаана, Бөтүҥ, сал. Алена Замятина, Марианна Попова;
2 м. – И.Д. Винокуров – Чаҕылҕан аатынан Намнааҕы алын сүһүөх оскуолатын 1 «а», «б», «в» кылааһын үөрэнээччилэрэ, сал. Дайаана Протопопова, Марианна Михайлова, Лейла Максимова;
3 м. – «Сандаара» оҕо уһуйаанын бэлэмниир бөлөҕө, Хатыҥ Арыы, сал. Любовь Эверстова.
II бөлөх, оскуола оҕолоро (7-12 сс.):
Гран-при — И.Д. Винокуров – Чаҕылҕан аатынан Намнааҕы алын сүһүөх оскуолатын 3 «б» кылааһа, сал. Эльвира Гаврильева, Любовь Сорокоумова;
1 м. – «Күндүл», И.С. Гаврильев аатынан Нам 1 №-дээх орто оскуолатын 3 кылааһа, сал. Роман Герасимов, Лариса Данилова;
2 м. – И.Д. Винокуров – Чаҕылҕан аатынан Намнааҕы алын сүһүөх оскуолатын 2 «а» кылааһа, сал. Ольга Кириллина;
3 м. – Хатыҥ Арыы орто оскуолатын 4 кылааһа, сал. Людмила Винокурова.
III бөлөх, 13-18 сс. оҕолор:
Гран-при – Партизан орто оскуолата, сал. Екатерина Петрова.
1 м. – Нам 2 №-дээх орто оскуолатын 9 «а», 6 «б» уонна «в» кылаастарын үөрэнээччилэрэ, сал. Саргылана Барашкова;
2 м. – Д.И. Кривошапкин аатынан фольклор дьиэтин 6 кылааһын үөрэнээччилэрэ, Партизан, сал. Альбина Алексеева;
3 м. – Нам 2 №-дээх орто оскуолатын 6 «б» кылааһа, сал. Саргылана Комина, Анастасия Самойлова.
Кыттааччыларга туоһу сурук, кыайыылаахтарга диплом уонна сыаналаах сертификаттары туттартаатылар.
Семен Аргунов