Намнааҕы педагогическай колледж устудьуоннарыгар полиция, ДНД уопсастыбаннай сүбэ үлэлэрин туһунан кэпсээбиттэр.
Россия устудьуоннарын күннэригэр аналлаах тэрээһиҥҥэ сокуону кэһиини, буруйу оҥорууну сэрэтиигэ үлэлэһэр сокуон дьоно үлэ хайдах быһыылаахтык барарын билиһиннэрбиттэр. Ол курдук: Сидорова Розалия Алексеевна, Нам оройуонугар Россия ИДьМ отделын начальнигын солбуйааччы; Кутукова Анна Петровна, Нам оройуонугар Россия ИДьМ полиция уопсастыбаннай сүбэтин председателэ; Сивцева Надежда Дмитриевна, МТ “Хатыҥ Арыы нэһилиэгэ” ыытааччы специалиһа, ОСДНиЗП эппиэт секретара, “Хотой” ДНД чилиэнэ; Герасимов Мичил Борисович, Хатыҥ Арыы нэһилиэгэр “Хотой” ДНД хамандыыра.
Тэрээһиҥҥэ уопсайа 72 устудьуон уонна улахан дьон кыттыыны ылбыттар.
