Ыччаты дойдуга бэриниилээх буолууга иитии сүрүн сыалбыт-сорукпут

Ленинград куорат өстөөх иилии эргийиититтэн босхоломмут күнүнэн, тохсунньу 27 күнүгэр М.К. Аммосов аатынан култуура уонна духуобунай сайдыы дыбарыаһыгар «Бастакылар хамсааһыннара» улуустааҕы салаата көҕүлээһининэн, дойдуга бэриниилээх буолууга аналлаах тэрээһин буолла. И.Д. Виновуров – Чаҕылҕан аатынан Намнааҕы алын сүһүөх оскуола үөрэнээччилэрэ кыттыыны ыллылар.

«Блокада килиэбэ» Бүтүн Россиятааҕы акция чэрчитинэн, элбэх киһи тыынын быыһаабыт 125 грамм нуорма хара килиэби боруобалаатылар. Бу тэрээһинтэн Ленинград куорат олохтоохторо 1941 сыл балаҕан ыйын 8 күнүттэн 1944 сыл тохсунньу 27 күнүгэр диэри хайдахтаах эрэйи-муҥу көрбүттэрин, кытаанах үлэҕэ сылдьыбыттарын, аччыктааһын ыараханын тулуйбуттарын биллилэр.

Семен Аргунов

Видео: Роман Шапошников