Саха сирин профсоюзтарын федерацията быйыл, 2024 сылга, “Лучшая информационная работа первичной профсоюзной организации РС(Я)” күрэҕэр Үөдэй нэһилиэгин “Чуораанчык” оҕо тэрилтэтэ кыттыыны ылан, үрдүк миэстэҕэ тигистэ.
Ол курдук, 3 бочуоттаах миэстэни ылан наҕараадаларын сэтинньи 27 күнүгэр профсоюз үлэһиттэрин күнүгэр үөрүүлээх быһыыга туттулар. Тэрээһин Дьокуускай куоракка профсоюзтар дьиэлэригэр ыытыллан ааста. Күрэх дипломун өрөспүүбүлүкэ профсоюзтарын федерациятын бэрэссэдээтэлэ Николай Дегтярев “Чуораанчык” оҕо уһуйаанын тэрилтэтин профсоюһун бэрэссэдээтэлигэр Мария Михайловаҕа туттарда.
Чахчы даҕаны, уһуйаан тэрилтэтэ Нам улууһугар уонна республикаҕа үөрэх тэрилтэтин профсоюзтарын икки ардыгар биир үрдүк таһымнаах үлэлээх тэрилтэ быһыытынан биллэр. “Чуораанчык” оҕо уһуйаана бу күннэргэ тэриллибитэ 65 сылын бэлиэтээри бэлэмнэнэр. Нэһилиэккэ, улууска ыытыллар бары тэрээһиннэргэ биир бастакынан көхтөөхтүк кытталларын бэлиэтээн туран инники айымньылаах үлэлэригэр үрдүк ситиһиилэри баҕарабыт.
Екатерина Эверстова