Намнааҕы 3-с №-дээх оскуола үөрэнээччилэрэ Наммыт сэлиэнньэтэ ыраас буоларыгар кылааттарын киллэрэллэр. Оҕо кыра эрдэҕиттэн үлэ диэн тугун билэ уонна баары харыстыы улаатыахтаах.
Оскуола 5 “в” кылааһын уолаттара, “Хардыы” этэрээт волонтёрдара, Корякин Айбек, Яковлев Витя, Стручков Саша, Паньков Сахаян учууталлара П.А. Бучугасов салайааччылаах “Ипподром” түөлбэ Ветераннар муосталарын хаарын ыраастаан олохтоохтор махталларын ыллылар.
Оттон 6 “б” кылаас уолаттара ааспыт нэдиэлэҕэ баҕа өттүлэринэн “Үөрэҕирии 125 сылыгар” аналлаах сквер хаарын ыраастаабыттара.
Бүгүн 5 “а” кылаас үөрэнээччилэрэ Даадарга баар “Ийэҕэ махтал” сквери хаартан босхолоотулар.
Үтүө үгэс оскуолаҕа ааспыт үөрэх дьылыттан тэриллэн, волонтер уолаттарбыт Нам сэлиэнньэтигэр баар бэлиэ сирдэри, сквердэри ыраастыыллар, көрөллөр-истэллэр.
Айталина Сыроватская, Намнааҕы 3-с нүөмэрдээх оскуола үлэһитэ