Улуус олохтоохторун харах бырааһа суоҕа долгутара отчуоттартан билиннэ, онон Дьокуускайтан офтальмологическай киинтэн мобильнай биригээдэ тахсан көрүүтүн, операция оҥоруутун поликлиника тэрийиэ дуо?
Өрөспүүбүлүкэтээҕи харах балыыһатын хирурдарын мобильнай биригээдэтин улуустарга сырыытын графигар Нам улууһа олунньуга турар.
Бу туһунан Намнааҕы киин балыыһа маннык эппиэттээтэ:
— Өрөспүүбүлүкэтээҕи харах балыыһатын мобильнай биригээдэтигэр сайаапка барбыта. СӨ доруобуйатын харыстабылын министерствотын бирикээһинэн, катаракталаах дьону талан, бэйэлэригэр киллэрэн эппэрээссийэлииргэ диэн быһаарбыттар. Онон бу күннэргэ куорат харах балыыһатын кытта, эппэрээссийэҕэ наадыйар дьону таларга үлэни ыытарга кэпсэтии бара турар.