Нам улууһугар «Үтүө санаа харыйата» акция сыллаты ыытыллар. Бүгүн улуус дьаһалтатын планеркатыгар Тымныы Моруос кэлэн управлениелар, тэрилтэлэр салайааччыларын акцияҕа кыттарга ыҥырда.
Быйылгы «Үтүө санаа харыйата» байыаннай дьайыы кыттыылаахтарын оҕолоругар ананан бэлэх оҥоруохтара. Акция оҕолорго үөрүүнү-көтүүнү, оҕо саас умнуллубат биир түгэнин бэлэхтиэҕэ.
Салайааччылар «Үтүө санаа харыйатыттан» оҕо аата суруллубут окрытканы талан ыллылар. Оҕолору үөрдэр, дьоллуур акция аан бастакытын 2015 сыллаахха оччолорго куорат баһылыга Айсен Николаев уонна «Город добра» общественнай түмсүү көҕүлээһиннэринэн ыытыллыбыта. 2019 сылтан бүтүн өрөспүүбүлүкэни хабар буолбута.
Семен Аргунов