«Намкоммунтеплоэнерго» АО-ҕа чоҕу таһыыга куонкурус биллэриллибитигэр, «ДобунТехСтрой» ХЭТ кыайан, чохпутун бу тэрилтэ таһар буолла.
Быйыл тэрилтэбит «Якутуголь» филиалын Кангалаастааҕы чох разреһын кытары дуогабар түһэристэ. Кангалаастан олунньу 11 күнүттэн чоҕу таһыы саҕаланна. Уопсайа 20 200 т таһыллыахтаах. Өрүс суолун уйуга кыра. Маймаҕа — Фрунзе 30 т диэри көҥүллээх, Нам-Хатас 35 т диэри. Онон билигин 600 т Арбын, Көбөкөн, Фрунзе, Хатас таһыллынна.
Чоҕу таһыы үлэтэ күүскэ бара турар. Бензиммитин, сэлээркэбитин өрүс нөҥүө учаастактарга бэйэ күүһүнэн таһан хааччыйабыт. Билиҥҥи туругунан, чохпут саппааһа, уопсайа 2500 т былырыыҥҥы таһыллыбыт чох баар, бу чохпут 1 ыйга тиийиэҕэ.
Таһыы соруга муус устар 10 күнүгэр диэри бүтүөхтээх. Тиэрдиллибит чох эһиил кулун тутар ыйга диэри тиийиэхтээх.
Светлана Попова- Дайаана