Намҥаааҕы Дыбарыас киинигэр, Нам улууһа, Лиэнскэй нэһилиэк 2025 сылы түмүктүүр отчуотугар, биһиги тэрилтэбитигэр “Бииргэ өйөнсөн үлэлиир» диэн биир сүрүн номинация туттарыллынна.
Бу киэҥ, элбэх хабааннаах үлэ. Манна ититиини, трассаны эрэ көрүү буолбатах, субуотунньукка барытыгар көхтөөхтүк сылдьыы, күрэхтэһиигэ кыттыы, дьиэ-уот боппуруостарын быһаарсыы, былааннааһын барыта киирэр. Үлэһиттэрбит кыһамньыларын сыаналаабыттара хайҕаллаах, үөрүүлээх суол.
Маны тэҥэ, Көбөкөннөөҕү производственнай учаастакпыт, нэһилиэктэригэр, тэрилтэлэр истэригэр «Бастыҥ тэрилтэ салайааччыта» аатын маастарбыт Николай Сергеевич Ноговицын ылла.
Бэйэлэрин ПУ иһигэр икки үлэһиппит бастыҥ, кыһамньылаах үлэһит диэн наҕараада туттулар: Бочуров Николай Иванович,
Олесов Айаал Петрович.
Уолбут Семен Егорович Сокольников нэһилиэк олоҕун активнай кыттааччыта, биир да тэрээһин кинитэ суох буолбат, төһө кыалларынан, сатыырынан барытыгар кыттыһар, туора турбат «Лучший общественник 2025 года» номинация тиксиэн тигистэ.
Элбэх оҕо амарах аҕата Николай Иванович Бочуров кэтэх хаһаайыстыбата саамай ордугунан, көрүүлээҕинэн «Лучший ЛПХ – 2025 года» ааттанна.
Маастарбыт Николай Сергеевичка «Лучшая молодая семья 2025 года» үрдүк наҕарааданы, номинацияны туттардылар, бу элбэх үлэттэн тахсар, нэһилиэк олоҕун, олох хаамытын кытта бииргэ барсан иһэллэриттэн көстөр.
Дьиэ кэргэн аҕатынан дииллэр, бу биһиги уолбут үлэтигэр кыһаллара, бииргэ үлэлиир дьоно убаастыыллара, баар суол. Кэргэнэ Аида Ивановна Николайга бары усулуобуйаны оҥорор, онон иккиэн бииргэ үлэлээн-хамсаан бу ситиһии кэллэ.
Уолаттарбыт көхтөөх, олоххо үчүгэй сыһыаннарын көрдөрөллөр, онтон биһиги үөрэбит. Инникитин да тэрилтэлэрин, нэһилиэктэрин, бэйэлэрин ааттата сылдьар дьон буоллуннар.
Светлана Попова — Дайаана