Ыам ыйын 26 күнүгэр — Россия урбаанньытын күнэ бэлиэтэммитэ. Бу күн РФ президенэ Владимир Путин ыйааҕынан 2007 сыллаахтан бэлиэтэнэр. Олоҕу-дьаһаҕы тутууга, олохтоох оҥорон таһаарыыга анаммыт сокуон урбаанньыттар талан ылбыт хайысхаларынан сайдалларыгар кыаҕы үөскэппитэ.
Бүгүн, ыам ыйын 29 күнүгэр, Россияҕа урбаан күнүн, уһулуччулаах государственнай уонна политическай деятель И.Е. Винокуров төрөөбүтэ 130 сылын чэрчитинэн, Граф Биэрэгэр «Исток» турбазаҕа «От истоков к креативу: традиции и современность» диэн предпринимателлэр дьаарбаҥкалара, уопут атастаһыылара уонна санаа үллэстиилэрэ буолла.
«Исток» турбазаҕа предпринимателлэр дьаарбаҥкаларыгар уус-уран оҥоһук арааһын, сахалыы таҥас эгэлгэтин атыылаатылар. Норуоппут төрүт астарын оҥорууга уонна тимир уустара маастар-кылаас ыыттылар. «Оһуор» бренд «Ыһыаҕым таҥаһа» диэн ааттаах коллекциятын көрдөрдүлэр. Эҥсиэлибит хочотун отуттан минньигэс чэйи амсайдылар. Туой иһиккэ бөхүлүөпкэ буһаран көрдөрдүлэр. Тар, кымыс, саламаат астыырга маастар-кылаас ыыттылар. Урбааҥҥа оҥоһуу өйү хайдах туттарга, туһанарга, угуйугу оҥорууга, социальнай ситимнэргэ тус блок арыйарга үөрэннилэр.
Самаан сайын салаллыбытынан ыалдьыттары улууспут урбаанньыттара сэлиэйдээх кус миининэн күндүлээтилэр.
Семен Аргунов
Видео: Роман Шапошников