Бүгүн улуус кырдьаҕас Е.С. Сивцев-Таллан Бүрэ аатынан Бөтүҥ орто оскуолата өрөгөйдөөх үбүлүөйүгэр араас кэмӈэ үлэлээн ааспыт учууталлар, бэтэрээн учууталлар, билии аартыгын дабайбыт элбэх көлүөнэ үөрэнээччилэрэ, ыӈырыылаах ыалдьыттар истиӈник саныыр тапталлаах оскуолаларын үөрүүтүн тэӈӈэ үллэстэллэр.
Бу үөрүүлээх тэрээһиӈӈэ үөрэх кыһатын коллектива, үөрэнээччилэрэ киэӈ ис хоһоонноох программаны бэлэмнээн, күргүөмүнэн оскуола өрөгөйүн ырыатын хорунан толорон, Бөтүҥ нэһилиэгэр үөрэх саҕаламмыт, оскуола аһыллыбыт кэмиттэн бүгүӈӈү күӈӈэ диэри сайдан кэлбит историятын кэрчиктэрин үөрэнээччилэр инсценировканан көрдөрдүлэр.
Бочуотаах ыалдьыттар, араас көлүөнэ выпускниктар, истиӈ эҕэрдэлэрин тиэрдэллэр, үөрэммит кэмнэрин ахтан-санаан ааһаллар, үөрэммит кыһаларыгар сүгүрүйэн, учууталларга махтанан үтүө-мааны тылларын аныыллар. Өрөгөйдөөх үбүлүөй үөрүүлээх чааһа саҕаланна.
Касьян Олесов-Олук