Аргунов Максим Кириллович — СӨ культуратын туйгуна, «Нам улууһун муниципальнай тэриллии сайдыытыгар кылаатын иһин» бэлиэ хаһаайына, Партизан нэһилиэгин биир киэн туттар талааннаах киһитэ — «Ураты талаан» диэн быыстапката уонна өр сылларга муспут коллекциятын аһыллыыта буолла.
Быыстапкаҕа кини уран оҥоһуктарын киэҥ эйгэҕэ таһааран туруорда —Д.И. Кривошапкин аатынан «Хомус» фольклор дьиэтэ.
Максим Кирилловиһы А. Шестаков аатынан норуот айымньытын дьиэтин директора Константин Колодезников кэлэн эҕэрдэлээтэ. Норуот айымньытын дьиэтигэр худуоһунньугунан үлэлээбит сылларын ахтан ааста. «Нам улууһун культураҕа сайдыытын иһин» бэлиэни туттарда.
Партизан тыа сирин түөлбэтин быһылыга Борис Романов эҕэрдэлээтэ уонна «Партизан нэһилиэгин Ытык киһитэ» бэлиэни туттарда.
Олохтоох «Хомус» фольклор дьиэтин директора Семён Алексеев «Партизан нэһилиэгин культураҕа сайдыытын иһин» бэлиэни туттарда.
Нэһилиэк тэрилтэлэрэ, «Дьүрүл» норуот ансаамбыла, ветеран сэбиэтин председателэ Галина Соловьева, бииргэ үөрэммиттэрэ, чугас ыаллара, саллаат табаарыһа Владимир Алексеев, аймахтара, үөрэппит учуутала Вера Гуляева эҕэрдэлээтилэр.
Максим талааннах киһи барытыгар талааннаах. Импровизатор хомусчут. Худуоһунньук сөбүлүүр дьарыгынан билигин кыралаан дьарыктанар эбит. Сөбүлээн оҕуруот олордор.
Нэһилиэкпит дьоно астынан-дуоһуйан быыстапканы көрдүлэр, талаанын сөхтүлэр-махтайдылар.
Итиэннэ бачча элбэх материаллаах Максим Аргунов музей тэрийиэн наада диэн түмүккэ кэллилэр.
Выставкаҕа туох суоҕуй? Киһи сөҕө-махтайа көрөр.
Максим Аргунов интервьюта.
Ийэтин Варвара Аргунова интервьюта.
Полина Скрябина, Бартыһаан