Бүгүн, олунньу 6 күнүгэр, «Блиндаж чүмэчитэ» акция чэрчитинэн, Хатыҥ Арыы нэһилиэгиттэн Нам улууһун Дьиэ кэргэн уонна ыччат отделыгар уопсайа 87 блиндаж чүмэчитин туттардыбыт.
Ол курдук, И.Е. Винокуров аатын Хатыҥ Арыы оскуолата — 63, «Мичээр» оҕо уһуйаана -12, Игнатьева А.Д. — 7, Евстафьева Д.И. — 2, Сивцева У.Н — 3, Корякина А.И. — 2 чүмэчини оҥорон аҕаллылар. Маны тэҥэ, «Сандаара» уһуйаана 14 устууканы Намҥа бэйэлэрэ туттарбыттара.
Хатыҥ Арыы нэһилиэк акциянан уопсайа 314 чүмэчини оҥорон туттарда. Манан акциябыт түмүктэнэр, бары нэһилиэкпит олохтоохторугар, тэрилтэлэргэ, пенсионердарга, общественнай тэрээһиннэргэ улахан махталбытын тиэрдэбит.
Ис дууһаттан оҥоһуллубут чүмэчилэрбит биир дойдулаахтарбытын сылааһынан угуттуохтара диэн эрэнэбит.
Надежда Сивцева