Муус устар 26 күнүгэр Модут нэһилиэгэр Е.Г.Гоголев аатынан спорт саалатыгар баһылык Ефим Гоголев уонна спорт инструктор Николай Сандулин көҕүлээһининэн 1941-1945 с.с. Улуу Кыайыы 80 сылын, Модут нэһилиэгэр «Патриотизм» (Дойдунаат) сылын көрсө Нам улууһун нэһилиэктэрин 2007-2009 с. төрүөх уолаттарга анаан волейбол күрэҕэ үрдүк таһымнаахтык ыытылынна.
Уопсайа күрэххэ алта хамаанда кэлэн кытынна. Хатыҥ Арыыттан икки хамаанда, Хамагатта, Модут, Бөтүҥ, Партизан. Хамаандаҕа 6 уол оонньоото.
Хатыҥ Арыы хамаандаларын нэһилиэк дьаһалтатын ыччат исписэлииһэ Моника Евстафьева салайан илдьэ сырытта. Күрэх түмүгүнэн 1 миэстэни Аппааны бөһүөлэгиттэн «Хатыҥ-Арыы-1» хамаандата, 2 миэстэни – Кыһыл Дэриэбинэттэн «Хатыҥ-Арыы-2» хамаандата, 3 миэстэни-Хамаҕатта хамаандата буолла. «Лучший игрок» анал ааты Хатыҥ Арыы хамаандатын оонньооччута «АГИКИ» 2 куурус устудьуона Тимур Кугданов буолла.
Кыайыы өрөгөйүн аҕалбыт, геройдара кимнээҕий?
Аппааны бөһүөлэгин «Хатыҥ-Арыы-1» хамаандата:
Тимур Кугданов-«АГИКИ» 2 куурус устудьуона хамандыырдаах-Данил Стручков- «АГИКИ» 2 куурус устудьуона, Кирсан Эверстов «ЯКСиД» 2 куурус устудьуона, Лев Барашков «Н.С.Охлопков аатынан Нам улуустааҕы гимназия» 10 кыл., Арсен Иванов «2-с №-х Нам орто оскуолата» 10 кыл., Игорь Уваровскай «И.С. Гаврильев аатынан 1 №-х Нам орто оскуолата» 8 кыл. үөрэнээччитэ.
Кыһыл Дэриэбинэттэн «Хатыҥ-Арыы-2» хамаандата:
Валерий Парников «2-с №-х Нам орто оскуолата» 10 кылааһын үөрэнээччитэ хамандыырдаах- Спартак Багынанов «И.Е.Винокуров аатынан Хатын Арыы орто оскуолата» 11 кыл., Данил Платонов «И.Е.Винокуров аатынан Хатын-Арыы орто оскуолата» 9 кыл, Юрий Болтунов «И.Е.Винокуров аатынан Хатын Арыы орто оскуолата» 9 кыл., Алгыстаан Николаев Намнааҕы техникум 1 курс устудьуона, Алексей Слепцов «2-с №-х Нам орто оскуолата» 10 кыл.
Хатыҥ Арыы нэһилиэгин чиэһин көмүскээбит, спорду өрө тутар кэнчээри ыччаттарбытыгар үөрэхтэригэр, спортка үрдүктэн үрдүк ситиһиилэри баҕарабыт.
Надежда Сивцева