Баһылай Манчаары аатынан «Модун»сахалыы успуорт көрүҥнэрин киинигэр хабылык, хаамыска спордун төрүттээччи Андрей Иванович Донской аатыгар биирдиилээн уонна хамаанданан бастыыр иһин Саха өрөспүүбүлүкэтин бас күрэс саҕаланна.
Бас күрэс үөрүүлээх аһыллыытыгар 2025 сыл түмүгүнэн «Бастыҥ спортсмен» ааты Ньургун Семенов Ньурба, «Бастыҥ тренер” ааты Антониа Парфенова (Мэҥэ-Хаҥалас),»Бастыҥ федерация» ааты Нам улууһун федерацията ылла.
Бас күрэс 4 бөлөҕүнэн ыытыллар.
Икки күн устата спортсменнар хабылык, 5,7 хаамыска, умсаах, күөрэгэй, сулус көрүҥнэри оонньуохтара.
Нам улууһуттан 12 хабылыксыт кыттыыны ылар.
Бас күрэс кэмигэр Киргизияттан делегация хабылык оонньууну көрөн, сэргээн барда, инникитин хабылык аан дойдутааҕы көс омуктар оонньууларыгар киирэригэр үлэ бара турар.
Маргарита Охлопкова