Оҕо 14 сааһын туоллаҕына маҥнайгы паспорын ылар. Сокуонунан сайабылыанньа суруйарга 90 кун бэриллэр. Ол болдьоҕу кэстэххэ, төрөппүт административнай буруйга тардыллар уонна ыстарааптаныан сөп. Ол иһин, оҕо докумуоннарын эрдэттэн бэлэмнээн баран, МФЦ эбэтэр МВД миграционнай сулууспатыгар эрдэттэн суруттарар ордук. Паспорт оҥотторорго ирдэнэр докумуоннары 14 сааһын туолбут оҕо бэйэтэ эбэтэр төрөппүтүн кытта кэлэн биэрэр. 14 саастаах оҕо сайабылыанньатыгар уонна бэлэм паспоры ыларыгар илии баттыыр.
Ханнык докумуоннар наадаларый:
1. Оҕо төрөөбүтүн туһунан туоһу сурук — бу сүрүн докумуон буолар.
2. Оҕо Российскай Федерация гражданина буоларын туоһулуур докумуона (оҕо төрөөбүтүн туһунан туоһу сурукка анал бэчээт, анал бэчээттээх справка, загранпаспорт, төрөппүт паспорыгар оҕо аата суруллубут страница.
3. Оҕо олорор сиригэр регистрациялааҕын туоһулуур свидетельство.
4. 35х45 размердаах өҥнөөх эбэтэр хара-манан 2 хаартыска (сааһыгар сөп түбэһэр, бэргэһэтэ суох, өҥнөөх линзата суох, ачыкы кэтэр буоллаҕына оправа хараҕы бүөлүө суохтаах).
5. 300 солк. төлөммүт госпошлина квитанцията, квитанцияҕа паспорт онотторор оҕо аата суруллубут буолуохтаах. Госпошлинаны банк кассатыгар, онлайн-банк, эбэтэр Госусулуга порталын нөҥүө төлүөххэ сөп.
Ирдэнэр докумуоннартан, ханнык эмит докумуон тиийбэт буоллаҕына, паспорт оҥоһуллумуон сөп. Сайабылыанньа суруллубутун кэннэ, российскай паспорт 5 күн иһигэр оҥоһуллар.
Российскай Федерация гражданина паспорын 14 сааһыгар ылан баран, 20 уонна 45 сааһын туоллаҕына, уларытара ирдэниллэр.
ИДьУО Нам улууһун миграционнай сулууспата