Нам улууһугар халаан туругун кэтээн көрүүгэ уонна ыксаллаах быһыы-майгы тахсар түгэнигэр суһаллык дьаһанарга анаан, ЫБММ эбии күүстэрин ыытыаҕа. Бу туһунан суһал ыстаап мунньаҕар СӨ Гражданскай оборуона уонна нэһилиэнньэ олоҕор куттал суох буолуутун хааччыйыы министрэ Дмитрий Лепчиков иһитиннэрбит.
Арбын нэһилиэгэр 150 киһи олорор, ол иһигэр 37 оҕо баар. Биэс киһи нэһилиэктэн халаан уутун кэмигэр көһөрүллүбүтэр. Ол курдук, Т.К. Ядрихинская аатынан Намнааҕы социальнай-геронтологическай кииҥҥэ 3 киһи, биир улахан киһи уонна оҕо Дьокуускайга аймахтарыгар барбыттар.
Уу таһымын кутталлаах кээмэйэ (дамма кэннинэн) 1000 см. «Тускул» культура киинигэр 80 миэстэлээх, оскуолаҕа 60 миэстэлээх быстах кэмҥэ олорор пуун бэлэм. Сүөһүнү, сылгыны быстах кэмҥэ хаайар сиргэ былаан быһыытынан уопсайа 447 сүөһүнү, 298 сылгыны тутуохтара. Ыксаллаах быһыы-майгы дьуһуурустубатыгар анаан улуустан куратор, СӨ быыһыыр сулууспатыттан 2 быыһааччы, полиция участковайа, Намнааҥы РЭС монтера бааллар.
Бэйэ информ.