Нэһилиэкпитигэр биир улахан дьиэ кэргэн, тыа хаһаайыстыбатын салаатыгар өр үлэлээбит «Трудовая династия» бочуоттаах ааты ылбыт ыал — Баишевтар ийэлэригэр, аҕаларыгар анаан олус үчүгэй үйэлээх кинигэ таһаардылар. Ийэлэрэ Ефросиния Петровна Илларионова Боуот орденын кавалера. Аҕалара Баишев Афанасий Леонтьевич — осеменатор уонна биир бастыҥ ат сүүрдээччи. Сындыыс диэн ата республикаҕа иннин биэрбэтэҕэ.
Кинигэ 4 түһүмэхтэн турар, 272 страницалаах. Манна үлэлэстилэр эдьиийдэрэ Фёдорова Мария Семёновна уонна кыра кыыстара Дария Лугинова. Бу кинигэ тахсарыгар дьиэ кэргэнинэн сүүрэн-көтөн, ымпыгын-чымпыгын барытын тиһигэр тиэртилэр.
Ийэлэрэ Ефросиния Петровна уһуллубут киинэлэрэ QR-кодунан көстөр. Дьиэ кэргэн төрүччүтүн эмиэ киллэрбиттэр. Бу бэйэлэрин оҕолоругар, сиэннэригэр, кэнники кэнчээри ыччаттарыгар өйдөбүнньүк буолара саарбаҕа суох.
Бу династия ыстааһа — 314 сыл буолла. Эдэр ыччаттара үлэлии-хамсыы сылдьалларыттан киһи үөрэр. Кыталыына уонна Афанасий үлэлээн-хамсаан дьоннорун салҕыыллар.
Баишевтар дьиэ кэргэттэрэ үйэтитиигэ нэһилиэкпит дьонугар холобур буоллулар.
Бу тэрээһини ыыттылар кийииттэрэ Екатерина Москвитина уонна кыыстара Дария Лугинова.
П. Скрябина