Олунньу 27 күнүгэр Аппааны сэлиэнньэтин спорт саалатыгар 11-с сылын «Эдэр байыас» күрэҕэ ыытылынна.
Бу күрэх ааптардарынан Наталья Дьячковская уонна Нюргуяна Варламова буолаллар. Уон сыл сыл сокуоннай саастарын ситэ илик уолаттарга анаммыт күрэх Хатыҥ Арыы нэһилиэгэр оччолорго Намнааҕы саастарын ситэ илик оҕолору кытта үлэлэһэр социальнай-реабилитационнай киин исписэлиистэрин, нэһилиэк дьаһалтатын, Александр Тохтобин уонна аҕа сүбэтин көҕүлээһининэн ыытыллан кэлбитэ. Былырыын эстафетаны олохтоохтук нэһилиэккэ туттаралларын туһунан Наталья Владимировна этии киллэрэн, быйыл салҕыы ыытылынна.
«Эдэр байыас» военизированнай күрэҕэ А5а дойдуну көмүскээччилэр күннэринэн уонна И.Е. Винокуров 130 сылыгар анаан ыытылынна. Быйыл 16 сокуоннай сааһын ситэ илик уолаттар И.Е. Винокуров аатынан Хатыҥ Арыы орто оскуолатыттан -5, Затоннааҕы ситэтэ суох оскуолаттан-3 оҕолору оскуола директор советнига Кондакова Тальяна Руслановна, Намнааҕы техникумтан- 5 устудьуоннары социальнай педагог Баишева Ираида Ивановна, И.С.Гаврильев аатынан №1-х Намнааҕы орто оскуолаттан- 3 оҕону Ленскай нэһилиэк исписэлииһэ Слепцова Анна Ильинична уонна оскуола иитэр үлэҕэдиректоры солбуйааччы Сивцева Анна Юрьевна илдьэ кэллилэр.
Күрэх үөрүүлээх чааһын нэһилиэк баһылыга Иван Ноговицын, сүрүннүүр исписэлиис Надежда Сивцева арыйдылар. Кылаабынай судьуйа Александр Тохтобин, судействоҕа Мичил Герасимов, Егор Бурнашев, Дмитрий Кривошапкин, Денис Сивцев, Иван Эверстов үлэлээтилэр. Күрэх ыҥырыылаах ыалдьыттара Нам оройуонун ис дьыала министерствотын отделын ПДН старшай инспектора Николаева Ньургуяна Андреевна, Нам улууһун КДН исписэлиистэрэ Федорова Наталья Никоновна, Меркулова Елена Геннадьевна, бырайыак ааптара Дьячковская Наталья Владимировна ыалдьыттаатылар.
Военизированнай эстафетаҕа үс хамаандаҕа арахсан, бастакы хамаанда «Победа»- Ярослав Ефимов, Ренат Ефремов, Владимир Новгородов, Арылхан Гуляев, Игнат Докторов, иккис «Салют» хамаандаҕа Саша Попов, Софрон Старостин, Айаал Сергеев, Олег Марков, Радомир Федоров, үһүс «Кыах» хамаандаҕа Дмитрий Дьячковскай, Любомир Аммосов, Валентин Гаврильев, Арылхан Спиридонов, Арсений Федоров, Вячеслав Паньков киирдилэр. Уопсайа 6 этабынан ыытылынна. Автоматы хомуйуу, ыһыы, мээчиги таба быраҕыы, уһуҥҥа ыстаныы, лазернай винтовкаттан ытыы, карточкана званиялары этии, военизированнай эстафета.
Күүстээх дьаныардаах күрэхтэһии түмүгүнэн 1 м.–«Кыах» хамаанда ылан дипломунан, мэтээлинэн, спонсор нэһилиэк спорт уонна ыччат отдела дириэктэр Бурнашев Егор Константинович уонна Наталья Дьячковская, Нюргуяна Варламова спонсордаабыт хас биирдии күрэх кыттыылаахтарыгар 800 солкуобайдаах «Копир+» маҕаһыыҥҥа сертификатынан наҕараадаланнылар. 2 м.- «Салют», 3 м.- «Победа» буолан дипломунан «Копир+» маҕаһыыҥҥа сертификатынан наҕараадаланнылар. Маны таһынан анал номинациялар туттарылыннылар: «Юный боец»-Арсений Федоров, спонсор Ленскэй нэһилиэк олохтоох дьаһалтата баһылык Сокольников Петр Григорьевич, Затоннааҕы ситэтэ суох оскуола дириэктэр Колесов Егор Егорович, «Лучший стрелок» улахаттарга — Игнатий Докторов, спонсор Намнааҕы ис дьыала министерствотын отделын начальнига Кокарев Михаил Михайлович, «Лучший стрелок»- Любомир Аммосов кыраларга , спонсор Васильев Александр Егорович, «Лучший по сборке автомата»-Айаал Сергеев спонсор И.Е.Винокуров аатынан Хатыҥ-Арыы орто оскуолата, дириэктэр Оконешников Павел Николаевич, «Лучший по разборке автомата» Арылхан Спиридонов, спонсор Нам улууһун КДН комиссията, председатель Протопопов Егор Андреевич, уонна вне зачета тардыныы күрэҕэр кыайбыт Айаал Сергеевка аҕа сүбэтэ спонсордар Килбясов Никита Семенович, Герасимов Мичил Борисович, Кривошапкин Дмитрий Васильевич туруорбут бириистэрин туттардылар.
Хатыҥ Арыы нэһилиэк дьаһалтатын сүрүннүүр исписэлииһэ Надежда Сивцева күрэхтэһиини тэрийсибит, спонсордаабыт тэрилтэлэргэ, оскуолаларга, общественниктарга махтанан туран баһылык аатыттан махтал суруктары туттартаата.
Түмүгэр кыттааччыларга анаан нэһилиэк дьаһалтата бэлэмнээбит минньигэс остуолун тула чэйдээтилэр. Маннык ыытыллар тэрээһиннэр уолаттары эт–хаан өттүнэн сайыннаран, эрчийэн, хамаанданан биир сомоҕо буоларга үөрэтэр. Өссө төгүл күрэхпит үрдүк таһымҥа ааспытынан бары кыттааччылары, спонсордарбытын, тэрийээччилэри эҕэрдэлиибит.
Надежда Сивцева