Хатыҥ Арыы нэһилиэгэр үөрэх тэрилтэлэрин икки ардыларыгар ыытыллыбыт социальнай ролик күрэҕин И.Е.Винокуров аатынан Хатыҥ-Арыы орто оскуолатыгар линейкаҕа түмүгэ билиннэ.
Хатыҥ Арыы нэһилиэгин дьаһалтатын, сокуоннай саастарын ситэ илик оҕолор дьыалаларыгар уонна кинилэр бырааптарын көмүскүүр общественнай сэбиэт көҕүлээһининэн былаан быһыытынан нэһилиэк үөрэх тэрилтэлэрин иһигэр бу саас түөрт хайысханнан: патриотическай иитии, «Твори добро», «Сахалыы саҥарабыт» уонна көҥүл тиэмэҕэ социальнай ролик күрэҕэ биллэриллибитэ.
Уопсайа күрэххэ И.Е.Винокуров аатынан ХатыҥАрыы орто оскуолатыттан, Затон ситэтэ суох орто оскуолатыттан, Намнааҕы техникумтан аҕыс видеоролик киирдэ. Ахсынньы 8 күнүгэр нэһилиэк дьаһалтатын баһылык солбуйааччыта Максим Мордосов бэрэдсэдээтиллээх комиссия чилиэттэрэ «Нам улууһа» МР КДН комиссия эппиэттээх сэкэритээрэ Елена Меркулова, КДН сүрүннуур исписэлииһэ Наталья Федорова, нэһилиэк эппиэттээх сэкирэтээрэ Надежда Сивцева, нэһилиэк ыччат уонна спорт отделыттан ыччат исписэлииһэ Нарыйана Уваровская киирбит сюжеттары дьүүллээтилэр. Манна тиэмэни, ис хоһоонун арыйыы, видеосюжеты устуу хаачыстыбата, социальнай тутулуга уонна оруолларга киирии хаачыстыбата көрүлүннэ.
Ахсынньы 22 күнүгэр И.Е.Винокуров аатынан Хатыҥ Арыы орто оскуолатыгар нэһилиэк баһылыга Иван Ноговицын оскуола үөрэнээччилэрэ күрэххэ үтүө түмүктээхтик кыттыбыттарынан эҕэрдэлээтэ уонна кэлэр 2026 сылга биир дойдулаахпыт государственнай, политическай деятель Илья Егорович Винокуров 130 сылынан кини олоҕун, үлэтин сырдатар видеоролик күрэҕэ үөрэнээччилэргэ анаан биллэриллэн, балаһыанньа оҥоһулларын туһунан иһитиннэрдэ. Үөрүлээх чааска кыайылаахтарга грамоталары, сертификаттары туттарда.
Ол курдук, 1 миэстэни-Намнааҕы техникум «Повар.Кондитер» 4 курсун устудьуоннара «Сообщи, где торгуют смертью» ролигынан (сал.Сивцева Миролюбовь Григорьевна) «Копир+» маҕаһыыҥҥа 8000 солк. сертификатынан, грамотанан, 2 миэстэни – И.Е.Винокуров аатынан Хатыҥ Арыы орто оскуолатын 10 «б» кылаас үөрэнээччилэрэ«Доброта спасет мир» ролигынан (сал.Аржакова Саргылана Иннокентьевна) 6000 солк. сертификатынан, грамотанан, 3 миэстэни-Затон ситэтэ суох орто оскуолаттан 6 кылаас үөрэнээччитэ Собакин Иосиф «Парта Героя» ролигынан, салайааччылар Кондакова Тальяна Руслановна, Чирикова Василиса Семеновна, Сметанина Саргылана Петровна, 4000 солк. сертификатынан, грамотанан наҕараадаланнылар.
Бары күрэх кыттыылаахтарыгар «Копир+» маҕаһыыҥҥа 1000 сертификаттары И.Е.Винокуров аатынан Хатыҥ Арыы орто оскуолатын 7 «а»кылааһа сал.Кривогорницына Виктория Павловна, 9 кылаастар сал. Попова Анна Геннадьевна, 6 «а»кылаастар сал.Исакова Марианна Алексеевна, 7 «б» кылаастар Дьяконова Саина Николаевна, 6 «б»кылаастар сал. Петрова Александра Романовна наҕараадаланнылар.
Надежда Сивцева