Нам сэлиэнньэтигэр түөлбэлэр көхтөөх үлэлэрэ салҕанар. Сэргэх сонуннаах “Ипподром” түөлбэҕэ тэрээһиннэр, үлэлэр тохтообокко ыытыллаллар.
Дьиэ кэргэттэргэ кэрэни кэрэхсэтээри, Ийэлэр күннэригэр сөп түбэһиннэрэн “Мин кыыһым бэйэм курдук” диэн хаартысканан күрэх тэрийдибит. Үлэлэриттэн быыс булан үөрэ-көтө түөлбэттэн 10 ийэ кыыһынаан кытынна.
Ол курдук, хаартысканан күрэххэ А.А. Матвеева кыыһынаан Жанналыын, А.Ф. Дьячковская кыыһынан Санаайалыын, Н.В. Афанасьева оҕотунаан Айыллааналыын, С.Р. Платонова ийэтинээн Антонина Егоровналыын, Н.Н. Эверстова кыыһыннан Леналыын, М.Г. Дьяконова кыыһынаан Күннэйдиин, А.А. Сысолятина кыыһынаан Лералыын, А.А. Степанова кыыһынаан Ньургуяналыын, Г.Г. Шапошникова кыыһынаан Эльзалыын, Харатаала Айыллыыта кыыһынаан Айыллааналыын кыттыыны ыллылар.
Ийэ кыыһынаан бары да майгыннаһаллара биллэр. Түөлбэ олохтоохторо майгыннаһар “үкчүлэр” диэбит ийэлээх кыыска куоластааннар үс кыттааччы бириистээх миэстэҕэ таҕыста. “Мин кыыһым бэйэм курдук” күрэх кыайыылаахтарынан ааттаннылар – Н.Н. Эверстова кыыһынан Леналыын. Иккис миэстэни Г.Г. Шапошникова уонна Эльза ыллылар уонна үһүскэ Н.В. Афанасьева Айыллаанатынаан таҕыстылар.
Күрэхпитигэр кыттыыны ылбыт бары ийэлэрбитигэр “Ипподром” түөлбэ олохтоохторун, активын аатыттан барҕа махталбытын тиэрдэбит. Хас биирдии тэрээһин актив тэрийиитинэн ыытыллар. Кыттыбыт Далбар Хотуттарбытыгар бука барыларыгар сэмэй бэлэхтэрбитин, киһи үөрэ, хайгыы көрөр хаартыскалаах роза сибэккилэри кытта туоһу суруктары туттардыбыт. Түөлбэбит мааны ыалларын дьиэлэригэр киирэрбитигэр, олус диэн истиҥник үөрэ көрсүбүттэриттэн бэйэбит сүргэбит көтөҕүллэр.
Сибэккилэри спонсордаабыт «Евдокия» маҕаһыын салайааччыта Диалектина Анатольевна
Кэрэ сибэккилэри спонспордаабыт “Евдокия” маҕаһыын салайааччыта Диалектина Анатольевнаҕа, сибэккилэри, бэлэхтэри тиэрдэргэ депутат Алексей Николаевич Крыловка, түөлбэ салайааччыта Татьяна Иннокентьевна Осиповаҕа, Людмила Николаевнаҕа махтанабыт. Тэрийэр тэрээһиннэрбитигэр куруук күүс-көмө буолар, удамыр сыанаҕа оҥороллоругар, илиилэрин утары уунар дьоммутугар махтанабыт: түөлбэ олохтоохторугар, депутат Алексей Николаевич Крыловка, “Евдокия” сибэкки маҕаһыын салайааччытыгар Диалектина Анатольевнаҕа, “Урсун” типография салайааччыта Аммосова Кира Кировнаҕа, “Полиграфия-Санрайс” салайааччытыгар А.А. Кириллинаҕа.
“Ипподром” түөлбэ актива