Бэс ыйын 26 күнүттэн от ыйын 6 күнүгэр диэри «Азия оҕолоро» VIII норуоттар икки ардыларынааҕы оҕо пресс-киинигэр 50 оҕо кэрэспэндьиэнинэн үлэлии сылдьаллар.
Эдэр кэрэспэдьиэннэр «Кэскил» оҕо бэчээтин куратордарын кытта хамаанданан арахсан «Азия оҕолорун» 24 көрүҥүн сырдата сылдьаллар.
И. С. Гаврильев аатынан Нам 1 №-дээх орто оскуолатын VII кылааһын үөрэнээччитэ Святослав Барабанов «Кэскил» медиа-оскуола сүрүн соругун туһунан эттэ: «Биһиги, «Кэскил» медиа-оскуола эдэр кэрэспэдьиэннэрэ, биир улахан сорукпутунан – төрөөбүт тылбытынан сахалыы медиа эйгэни тэрийии буолар. Дойдубут историятын туһунан кэпсиибит, олорор нэһилиэкпитигэр, үөрэнэр оскуолабытыгар туох буола турарын туһунан суруйабыт. Тыа сирин үлэһит дьонун туһунан сырдатабыт. Киэҥ билиилээх, сайдыылаах дьон буолан тахсарбытыгар сахабыт тылын тирэх оҥостобут».
Святослав от ыйын 22 — 28 күннэригэр, аны дойдубут тэбэр сүрэҕэр Москва куоракка үөрэнэ, үлэлии, сынньана көтүөҕэ.Кинини кытта » Кэскил» хаһыаттан 3 арыаллааччы уонна
23 эдэр кэриспэндьиэннэр барыахтара.
Лена Корякина