Быйыл хоту нэһилиэктэр спартакиадалара 29-с төгүлүн Бөтүҥ нэһилиэгин кэрэ айылҕалаах ыһыахтыыр сиригэр буолан ааста.
Сайыммыт барахсан үтүө күнүнүү сирэйдэрэ сырдаабыт, спортивнай форма кэппит аҕам саастаах дьоммут саастарынан арахсан 7 көрүҥҥэ илин- кэлин түһүстүлэр.
Спартакиада аһыллыытын улуус баһылыгын солбуйааччы Е.Протопопов, бэтэрээннэр сэбиэттэрин бэрэссэдээтэлэ С.Кобякова, хоту нэһилиэктэр бэтэрээн спортсменнарын бэрэссэдээтэлэ Р. Марков уонна нэһилиэк баһылыктара кэлэн эҕэрдэлээтилэр. Бу хамсааһын биир актыыбынай кыттааччыта, тэрийсээччитэ Модуттан Владислав Попов «Кырдьар сааһы кыйдаан» ырыатын сүрэхтээтэ. Ырыаҕа ылланарыныы эдэрдэрин эргиппит кырдьаҕастар оҕо саастарын санаан арагаайкаҕа, билигин сайдыбыт ох сааҕа , эдэр саастарын оонньуута мохсуоҕа, сүрдээх кэрэхсэбиллээх, эмиэ сайдан эрэр корнхоллга, алта этаптаах эстафетаҕа күрэхтэстилэр. Нэһилиэк баһылыктара кэлэн салгын саатынан, ким кыраҕы харахтааҕын быһаарыстылар.
Маны таһынан мохсуоҕа, корнхоллга муҥутуур кыайыылаах аатын былдьаһыы буолла.
Икки күннээх күрэхтэһии түмүгүнэн Хатырыктар бастаатылар, иккискэ олохтоохтор Бөтүҥнэр, үһүскэ Модуттар таҕыстылар.
Биирдиилээн көрүҥнэринэн:
Мохсуоҕа 60,65 +
1 Модут
2 Хатыҥ Арыы
3 Маймаҕа
Арагаайкаҕа
1 Түбэ
2 Хатырык
3 Көбөкөн
Корнхолл
1 Көбөкөн
2 Модут
3 Хатыӈ Арыы
Ох саанан ытыы
1 Бөтүҥ
2 Хатырык
3 Арбын
Баһылыктар сыал ытыылара
1 Арбын
2 Хатырык
3 Бөтүҥ
Мохсуо 50,55+
1 Модут
2 Бөтүҥ
3 Хатырык
Эстафета
1 Бөтүҥ
2 Хатырык
3.Хатыҥ Арыы
Эрчим Баһыл