М.К. Аммосов аатынан болуоссакка балаҕан ыйын 5 күнүгэр Ленскэй нэһилиэк тэриллибитэ 85 сылын бэлиэтэҕэ. Ону тэҥэ, спорт хайысхатыгар үлэлиир “Лидер” спорт киин быйыл үбүлүөйдээх 15 сыла.
Сарсын “Лидер” спорт киин Нам сэлиэнньэтин олохтоохторугар уонна ыалдьыттарыгар корнхолл (дьахталлар, эр дьон), дартс (дьахталлар, эр дьон), лазернай винтовканан ытыыга(дьахталлар, эр дьон), пиццаны түргэнник бүтэриигэ күрэхтэһиилэри ыытыаҕа. Ааттаммыт көрүҥнэргэ сыаналаах бириистэр турдулар!
Ону тэҥэ, КСК сиригэр-уотугар киирэр хоккейдыыр сиргэ аҕам саастаахтар “Городки” оонньууга күрэхтэһэн сэргэхсийиэхтэрэ.
Бу күн 11.00 чааска ГТО нуормаларын кыһыл, үрүҥ көмүстэргэ, боруонсаҕа толорбуттар үөрүүлээх быһыыга-майгыга значоктарын тутуохтара. Значок ылбыттар икки ардыларыгар “Лидер” спорт киин директора Иван Яковлев туруорбут смарт чаһыта оонньонуоҕа.
Кэлин, күндү ыалдьыт буолуҥ, сэргэхсиҥ, дуоһуйа сынньанын! Барыгытын күүтэбит!
Харысхан Попов