Нам улууһун хамаандалара КСК спортивнай площадкатыгар стритбол оонньууга Ленскэй нэһилиэк аһаҕас чемпионатыгар көрсүөхтэрэ. Нам улууһа стритболга өрөспүүбүлүкэ бастыҥнарыгар киирэрин бэлиэтиибит.
Күрэхтэһиини МАУ “Лидер” атырдьах ыйын 6 күнүгэр иилээн-саҕалаан ыытыаҕа. Бу күн физкультурниктар бэлиэ күннэрэ буоларынан биллэр уонна бу сыл Саха сиригэр физкультурнай хамсааһын төрүттэммитэ 100 сыла.
“Стритбол оонньууга үс уонна биир солбуйааччы оонньооччу састааптаах 14-17 саастарыгар диэри оскуола оҕолорун хамаандалара уонна маннык састааптаах 18-тан үөһэ саастаах эр дьон күрэхтэһэллэрэ күүтүллэр”, – диир спортинструктор Остап Куличкин.
Улууспут стритболу сөбүлээччилэрэ, ким баҕалаах хамаанда туруоран кыттара көҥүл. Бастыҥнары быһаарар күрэхтэһиигэ хамаанда тэриннин да, бу нүөмэрдэргэ эрийэн билсиҥ – 89841130186, 89241655981. Сылаас күннэргэ сибиэһэй салгынынан тыыныахха, эти-сиини хамсатыахха.
Харысхан Попов